Photo Masha Maria

AMARG 1

ambarki

 

1  ambarki a-iga-urgaz lli-ur-ifttun

          f-iswingimn n-ayt-lɛar,

    ula-da-itmunu d-uġaras n-imɛṣan,

    ula-da-itgawar ġ-gr iṭnnaẓn.

2        hati awal n-rbbi a-s-a-itfraḥ.

          awal-ns a-ġ-a-iswingim iḍ ula azal.

3  iga zund tasġart ġ-tama n-isura n-waman,

    ar-takka lġllt, ifrawn-ns ur-a-tsllawn.

    kullu ma-iskar ar-d-itawi lh̬ir.

4  ur-ra-yili lh̬ir i-imɛṣan.

    gan zund alim lli-issitti lɛawin.

5  ur-rad-zgan ġ-wass l-lḥsab.

    ur-rad-bbidn ġ-gr willi-f-irḍa rbbi.

6        ašku rbbi ar-itgabal aġaras n-willi-f-irḍa.

          imma aġaras n-ayt-lɛar ar-itawi s-lhalak.