AMARG 101

Photo David D.

rad-asiġ amarg

 

1  rad-asiġ amarg l-lḥqq ula tayri izgan.

    kiyi a-rbbi a-mi-rad-asiġ amarg.

2  rad-ttiduġ nkki ġ-uġaras n-ufulki.

    managu a-rbbi a-ra-d-dari-taškit?

    rad-skarġ nkki d-ayt-tgmmi-nu s-uwl iṣfan.

3  ur-rad-adjġ alln-inu a-tmnadnt kra issrkawn.

    ur-rad-gawrġ d-willi ittun rbbi,

 ula rad-kšmġ ġ-iskkirn-nsn.

4  ur-rad-sskarksġ ula rad-d-mšaškaġ d-willi ʷh̬šnnin.

5  rad-ssfsaġ nkki wanna irggmn ġ-wadjar-ns.

    ur-rad-ṣbrġ i-yan issfurrugn iḥgr wiyyaḍ.

6  rad-frḥġ nkki s-willi tuqqarnin rbbi.

    rad-iriġ nkki ġwilli umẓnin aġaras n-ufulki.

    rad-ilin ntni ġ-tgmmi-nu ar-dari-timkiriyn.

7  ur-rad-adjġ id-bu-tkrkas ad-didi-zdġn.

    ur-rad-adjġ ayt-sin-uwdmawn ad-dari-qaman.

8  rad-ssfsaġ gar mddn ġ-tgldit-inu kraygatt ass.

    rad-ssufuġġ ġwilli ʷh̬šnnin zġ-tmdint n-rbbi.