AMARG 113

Photo Travellinknu

ignwan d-wakal

 

1  ḥmdat i-rbbi.

    ḥmdat-t a-ismgan n-rbbi,

        tmjjdm ism n-rbbi.

2  a-yili lmjd i-ism n-rbbi,

        ġilad ula kullu mayd-d-iftan.

3  a-yili lḥmd i-ism n-rbbi,

        zġ-usġlay n-tafukt ar amṭar-ns.

4  yattuy rbbi f-kullu timizar,

        lmjd-ns iɛmmr ignwan.

5  ma-igan zund sidi rbbi?

        yattuy f-kullu ma-illan.

6  ar-d-issmuqqul zġ-tattuyt,

        igabl ignwan d-wakal.

7  ar-itall amẓluḍ zġ-ugdrur,

        ikks-d ula igllin zġ-umdduz.

8  issgawr-tn d-imġarn,

        ġ-gr imġarn n-mddn n-rbbi.

9  tamġart lli-ur-iṭṭafn tarwa,

        ar-as-yakka takat tasaɛdit,

            ard ttaru tfrḥ d-tarwa-ns.

    ḥmdat i-rbbi.