AMARG 15

Photo F. Benotman

wa-rbbi ma-ra-n-ikšm?

 

1  wa-rbbi, ma-ra-n-ikšm s-untal-nnk?

    d-ma-ra-tadjt a-ig anbgi f-uwrir-nnk?

2       wanna-ġ-ur-illi lɛib,

         ar-iskar afulki.

    ar-ittini lḥqq s-nniyt n-uwl-ns.

3  d-ur-a-itadj targgimt a-tk infurn-ns.

    ula-da-ittini gar awal f-wadjar-ns.

    ula-da-itasi takndawt f-umddakkʷl-ns.

4       izga bdda ġ-wawal-ns,

         iqama gis wah̬h̬a ġ-uzmz išqan.

    yuqqr wanna iksuḍn rbbi,

    imma yan ih̬za ur-a-stt-gis-itawi.

5  ur-a-itḍalab uggʷar n-urṭṭal-ns,

    ula-da-itamẓ tikki a-isskarks f-yan išwan.

         yan imunn d-uġaras-an,

         ur-illi ma-ra-t-issmass.