AMARG 42

Photo Jimfbleak

a-ul-inu

 

1   ġmklli ittiri-uẓnkḍ lɛin zġ-ftan-waman,

         ġmkan a-k-ttiriġ a-rbbi.

2   ha-yyi yaġ-iyi irifi-nnk a-rbbi iddrn.

         managu ra-yyi-tadjt a-n-dik-mnaggarġ

         akmurġ-n srk a-rbbi?

3   ġ-iyḍ ula azal imṭṭawn a-igan tirmt-inu.

         ar-iyi-ttinin bdda “manza rbbi-nnk?”

4   ar-ttbbi tasa-nu ġakud nna-d-swingimġ

         ussan-an ġ-a-tmunuġ d-aytma ggutnin.

     ar-asn-zgguruġ s-tgmmi tamẓlayt,

         ar-ntall awal-nnġ ar-ntalġ rbbi,

         ar-as-nttirir s-imurign d-lfrḥ.

 

5   wa-ul-inu, mah̬ a-ki-taġ-tguḍi?

         mah̬ aylliġ tġufit ġ-ugʷns-inu?

     rju-n ġilad ġ-rbbi, ašku rad-as-daġ-tḥmadġ.

     nttan a-igan anjjam-inu ig rbbi-nu.

 

6   wa-rbbi kiyi a-ġ-a-swingimġ,

         aḥ-inu zugġ tnġ-iyi-tguḍi,

7        tawi-yyi zund anggay n-wasif n-urdun,

         zund aman ḍrnin zġ-ḥarmun ġ-udrar n-miṣɛar.

8   ġ-uzal a-flla-ttili tayri n-rbbi,

         d-iyḍ s-imurign a-s-a-yas-ttirirġ.

         ar-tẓallaġ i-walli-yyi-yakkan tudrt.

9   sqsaġ rbbi lli-yyi-igan ajarif l-laman,

         “mah̬ aylliġ-iyi-tflt?

         mah̬ a-tudjit ayt-lɛar a-yyi-tnġadn?”

10      ar-iyi-brrin ntni s-ṭṭnẓ-nsn.

         ar-iyi-ttinin bdda “manza rbbi-nnk?”

 

11  wa-ul-inu, mah̬ a-ki-ttaġ-tguḍi?

         mah̬ aylliġ tġufit ġ-ugʷns-inu?

     rju-n ġilad ġ-rbbi, ašku rad-as-daġ-tḥmadġ.

     nttan a-igan anjjam-inu ig rbbi-nu.