tifinaɣ

tlatinit

Accueil

L'Evangile

Psaumes

Questions

Témoignages

Livres

Vidéo

Liens

Aseqsi 1

 

Maḫ aylliġ tumnm bahra s‑lmasiḥ uggʷar l‑lanbya yaḍni?

 

lɛjb a‑iga lmasiḥ ula kullu ma iskr. ur‑jji‑illi yan zund nttan. ur‑illi yan iluln ġmk lli‑d‑ilul lmasiḥ s‑lmuɛajiza n‑rbbi lliġ‑d‑igguz rruḥ lqudus n‑rbbi f‑maryam, taru s‑tḥkimt n‑rbbi bla argaz.

 ur‑illi yan iṭṭafn ismawn lli dars illan. «awal n‑rbbi» tga lmɛna‑ns «walli‑d‑ikkan rbbi». «yasuɛ» tga lmɛana‑ns «walli ra‑ijjnjm mddn». lmasiḥ tga lmɛna‑ns walli ityawẓlayn a‑ig «tamatart n‑tasaɛt».

 ur‑illi yan ijjujin imuḍan ġmklli‑tn‑ijjuji. irẓm alln i‑ibukaḍn, irẓm imzgan i‑iḍrḍar, ifsi ils i‑iẓnẓam, issdus ikušamn, issġus injdamn, ar‑d‑issnkar ula willi mmutnin.

 ur‑illi yan isslmadn ġmk lli isslmad. ur‑illi yan mi iṣfa‑uwl ġmk lli iṣfa‑uwl‑ns, nġd yan itḥnnun ġ‑mddn ġmklli gisn iḥnna.

 nttan waḥdut a‑iqṣadn a‑immt baš a‑yasi ddnub n‑bnadm. nttan waḥdut a‑inran lmut, inkr‑d zġ‑umḍḍal s‑tudrt idumn. nttan waḥdut a‑ityattayn s‑dar rbbi ar‑t‑fllannġ‑itḍalab.

 ar‑srs‑tqln kullu mddn, issann izd nttan a‑ra‑d‑igguz zġ‑ignna ġ‑isiggʷra n‑ddunit, ra‑ijjnjm willi srs umnnin. nttan waḥdut a‑issittin šškk ula tiksaḍ ula ddnub, ifk‑aġ‑d laman d‑sslamt ġ‑ddunit‑ad ula liḫrt. ur‑illi yan zund nttan. kullu ma‑iskr lɛjb a‑iga.

 imma kiyi a‑gma, ma‑yk‑ibann? ula kmmin a‑ulltma, ma‑fllas‑ttinit? is‑tumnt s‑lmasiḥ? ara‑yaġ‑d f‑ma‑tswingmt ula ma‑ur‑tfhimt.

 

 

kliki f-iseqsitn-ad 1  ■  2  ■  3  ■  4  ■  5  ■  6  ■  7  ■  8  ■  9  ■  10  ■  11