tifinaɣ

tlatinit

Accueil

L'Evangile

Psaumes

Questions

Témoignages

Livres

Vidéo

Liens

Aseqsi 10

 

 maḫ a‑gʷma aylliġ ra‑yadj rbbi yan igan nnabi nġd yus a‑immt zund yan igan amḫḫar nġd yan iskarn ssibt?

 

 ašku a‑gʷma mayan rbbi iqṣad‑t zġ‑isizwur. ityara kullu mayan ġ‑warratn l‑lanbya n‑zman, imla‑ysn rbbi nis‑ra‑immt lmasiḥ. ašku ira a‑iskr s‑idammn l‑lmasiḥ yal‑lɛhd l‑ljdid ġ‑gras d‑bnadm. d‑lmut‑ns a‑s‑yusi lmasiḥ lḥukm lli‑ittutn f‑ddunit. izri nttan ġ‑lɛdab l‑lqbr afad a‑ur‑zġ‑gis‑nzri nkkʷni. inna nttan «lḥqq ayad, lḥqq a‑rad‑awn‑iniġ. iġ‑ur‑iḍr‑waqqa n‑irdn ġ‑wakal immt, waḥdut a‑ra‑iqama. walaynni iġ‑immut ra‑d‑yawi ṣṣabt iggutn» (yuḥanna 12:24). ur‑iqama waḥdut nttan, ašku inkr‑d ġ‑wis kraḍ‑uwssan ġmklli‑s‑inna i‑imḥḍarn‑ns. yall‑t ilmma rbbi s‑ignna, ar isiggʷra n‑ddunit ra‑d‑yuwrri. ra‑issmun kullu willi srs umnnin, ar‑skarn s‑luṣiyyat‑ns ġmklli iskar.

yawi‑tn dids ilmma s‑tudrt idumn. ġwin a‑igan ṣṣabt‑ns iggutn.

kliki f-iseqsitn-ad 1  ■  2  ■  3  ■  4  ■  5  ■  6  ■  7  ■  8  ■  9  ■  10  ■  11