tifinaɣ

tlatinit

Accueil

L'Evangile

Psaumes

Questions

Témoignages

Livres

Vidéo

Liens

Aseqsi 6

 

is‑ur‑tbddilm linjil lli‑d‑yiwi lmasiḥ?

 

is‑ti‑tġrit a‑gʷma? ma‑fllas‑tssnt? imḥḍarn nna‑illan d‑kra n‑nnabi, nis‑rad‑iẓḍarn ad‑bddln awal‑ns s‑kra n‑wawal yaḍni?

 nis‑ur‑rad‑darsn‑ɛzzan iwalyun n‑nnabi‑an uggʷar n‑tudrt‑nsn? ašku lamant‑an, ifl‑tt f‑umggrḍ‑nsn. inna lmasiḥ s‑iḫf‑ns:

«rad‑ittin ignwan d‑wakal walaynni ur‑sar‑ittin iwalyun‑inu» (matta 24:35).

 ġ‑uwssan lli‑ġ‑illa lmasiḥ ġ‑ddunit‑ad, ar‑itkka kraygatt mani ar‑iskar lḫir. ar‑dars‑ttaškin míddn ggutnin ġ‑uwssan‑an, ẓrn ma‑iskar,

sfldn i‑ma‑ittini. is‑rad‑iẓḍarn ad‑kullu‑ttun awal‑ns d‑iskkirn‑ns? is‑rad‑qbln kra n‑wawal ur‑igin awal lli‑mi‑dars‑sfldn?

 ġakud lliġ ityara linjil l‑lmasiḥ, ilkm kullu tisgyu n‑ddunit. mra‑ys‑nnit‑ran ad‑bddln awal‑ns, is‑rad‑iẓḍarn ad‑bddln ġ‑kraygatt mani ma‑ityaran ġ‑lktub‑an, ssngaddan‑tn, rarn‑tn ad‑d‑kullu‑mšaškan ġ‑ddunit kullutt? uhu, ur‑rad‑iẓḍarn i‑mayan. linjil‑ad darnnġ illan, linjil iṣḥan a‑iga. ur‑jji‑itbddl. ašku rbbi a‑t‑igabln, ur‑yudji míddn ad‑ssinfn awal lli‑f‑tn‑yuṣṣa.

 linjil‑ad a‑gʷma, ur‑a‑yġ‑issaggug zġ‑rbbi, walaynni ar‑aġ‑imala mamnk a‑n‑srs‑ntakmur, nissan is‑illa‑bdda‑didnnġ a‑ginnġ‑ibark.

 

kliki f-iseqsitn-ad 1  ■  2  ■  3  ■  4  ■  5  ■  6  ■  7  ■  8  ■  9  ■  10  ■  11